Beroa sortzeko instalazioak
ERDI-MAILAKO PRESTAKUNTZA-ZIKLOA
Lanbide helburua
Berotzeko instalazioak, eguzki-instalazio termikoak eta instalazio fluidodunak muntatu eta mantentzea; indarrean dagoen araudia, eta kalitatearen, segurtasunaren eta laneko arriskuen prebentzioaren inguruan ezarritako protokoloak aplikatuta, eta haien funtzionaltasuna eta ingurumenarekiko errespetua ziurtatuta.
Zer ikasiko dut? Zer egingo dut?
• Berotzeko instalazioekin, eguzki-instalazio termikoekin eta instalazio fluidodunekin lotutako tresneria eta gainerako elementu osagarriak muntatzea (zirkulagailuak, trukagailuak, espantsio-ontziak eta tutuak, besteak beste), kalitateko, segurtasuneko eta ingurumenarekiko errespetuko baldintzetan, eta haien funtzionamendua ziurtatuta.
• Berotzeko instalazioekin, eguzki-instalazio termikoekin eta instalazio fluidodunekin lotutako sistema elektrikoak, eta erregulazio eta kontrolekoak kalitate- eta segurtasun-baldintzetan muntatzea, haien funtzionamendua ziurtatuta.
• Instalazioen parametroak neurtzea, eta horien probak eta egiaztapenak egitea, bai funtzionalak, bai arauzkoak; haien funtzionamendua egiaztatu eta doitzeko.
• Instalazioen tresneria eta elementuak konpondu, mantendu eta ordezkatzea, kalitateko, segurtasuneko eta ingurumenarekiko errespetuko baldintzetan; funtzionamendu-baldintzak ziurtatu eta berrezartzeko.
• Instalazioa abian jartzea, makinen, automatismoen eta segurtasun-gailuen funtzionamendu-probak eginda, hura muntatu eta mantendu ondoren.
Irakaskuntza hauek laneko arriskuen prebentzioko oinarrizko jarduerak gauzatzeko beharrezko ezagupenak hartzen dituzte barnean.
Ikasketa Plana
LEHEN MAILA
| IRAKASGAIAK | ORDUAK |
|---|---|
| Makina eta tresneria termikoak | 264 |
| Instalazioak muntatzeko teknikak | 297 |
| Instalazio elektrikoak eta automatismoak | 231 |
| Lanerako prestakuntza eta orientabidea | 105 |
| Enpresa eta ekimen sortzailea | 63 |
| Ingeles teknikoa | 33 |
BIGARREN MAILA
| IRAKASGAIAK | ORDUAK |
|---|---|
| Bero-instalazioak konfiguratzea | 165 |
| Bero-instalazioak muntatzea eta mantentzea | 147 |
| Ur-instalazioak muntatzea eta mantentzea | 105 |
| Eguzki-energiako instalazioak muntatzea eta mantentzea | 105 |
| Gasaren eta likido-erregaien instalazioak muntatzea eta mantentzea | 105 |
| Lantokiko prestakuntza | 380 |
Ikasketak amaitzean, zer egin dezaket?
Honako lanbide hauetako bat izan dezakezu:
• Beroa sortzeko tresneriaren instalatzailea/mantentzailea.
• Berotzeko eta UBSko instalazioen instalatzailea/mantentzailea.
• Eguzki-instalazio termikoen instalatzailea/mantentzailea.
• Ur-instalazioen instalatzailea/mantentzailea.
• Gasaren eta erregai likidoen instalazioen instalatzailea/mantentzailea.
Ikasten jarraitzea:
• Lanbide-espezializazioko ikastaroak.
• Goi-mailako lanbide-heziketako ziklo batekin.
• Erdi-mailako lanbide-heziketako beste ziklo batekin, indarrean dagoen araudiaren araberako lanbide-moduluen arteko baliozkotzeak ezarrita.
• Batxilergoarekin, haren edozein modalitatetan.
Zer-nolako lan-irtenbideak izango ditut?
Profesional honek instalazio termikoak eta fluidodunak muntatzeko eta mantentzeko industrietan egiten du lan. Industria horiek ur berokuntzako, ur bero sanitarioa sortzeko eta gasetako azpisektorearekin daude lotuta (industria-sektorearen, eta eraikuntza eta obra zibileko sektorearen barruan).
Zer lanbide araututara sar daiteke titulazio honekin?
• Barneko ur-instalazioak
• Hozteko eta girotzeko instalazioetako teknikariaren tituluak eta Beroa sortzeko instalazioetako teknikariaren tituluak, biek batera, eraikinetako instalazio termikoetako txartel profesionala ematen dute.
Txartelak
“Beroa sortzeko instalazioak” eta “Hozteko eta girotzeko instalazioak” zikloak gaindituta, txartel profesional hau lortzen da automatikoki:
- IMT- Eraikinetako instalazio termikoen instalatzaile-mantentzailea
Azken berriak
GAURKOTASUNA
EMILIANO JALIL, (Energia-eraginkortasuna)
Hamburgo (Alemania) Ziurgabetasuna, beldurra, emozioa, intriga, ausardia... hauek dira nire helmugara, Hanburgora, Alemaniara, igotzean hartu ninduten emozioetako batzuk. Esperientzia berritzaile baten aurrean aurkitu nintzen, ordura arte ezagututako guztia ez...
JON GONZÁLEZ (Eraginkortasun Energetikoa)
Hamburgo (Alemania) Hiru hilabete eman ditut Hanburgon, eta hamaika aldiz errepikatuko nukeen esperientzia da. Ez nuen itxaropenik, baina hala ere harritu egin nau. Lehenengo astean St. Pauli, hiri horretako auzo alternatibo ospetsua. Lehenengo gauetik, inguruko...
Eraikin publikoetako energia-errendimendua hobetzeko ekimena egin dute LH-ko Repelegako ikasleek
Portugaleteko Repelega LHko zentroaren ekimen aitzindari bati esker, ikasleek praktikak egin ditzakete eraikin publikoetan energia-auditoretzak eginez. Ikasle talde batekin batera Portugaleteko Zunzunegi Institutura joango gara, eta zehatz-mehatz aztertuko dute,...
District Heating Proiektura bisita – Sestao
Apirilaren 27an, Proiektuen Garapen eta Eraginkortasun Energetikoaren Graduko ikasleek DISTRICT HEATING / AUZO BEROKUNTZA Txabarri-El Solen auzoko berokuntza Sestao Berrik sustatutako eta EU GUGLE proiektu europarrak babestutako birgaitzeen ondorioa da. Ekimen honi...
Guggenheim Museoko instalazioak bisitatzea
Beroko 2. mailako eta Instalazioen Garapeneko 1. mailako ikasleek Guggenheim Museoko klimatizazio-instalazioak bisitatu zituzten joan den ostiralean, otsailaren 18an, museoko arduradunekin eta gure ikastetxeko irakasleekin batera. Lanaren errealitatearekin...
Nautikako estudioen aurkezpena
Gaur Portugaleteko Eskola Nautikoko Zuzendariak eta bi irakaslek bisitatu gaituzte, gure ikastetxeko ikasleei Repelegan ikasketak amaitzean aurkituko duten prestakuntza-eskaintza aurkezteko, baldin eta unibertsitatean prestakuntza akademikoarekin jarraitzea...
ADSIS Fundazioko ikasleentzako bisita
Ostegun honetan Adsis Elkarteko 8 ikaslek bisita egin digute. Oinarrizko Lanbide Heziketako ikasleak dira, eta momento honetan Iralako egoitzan ikasten hasi dira. Gure zuzendariorde Txema Txarterina, eta irakasle Fernando Parterekin batera, euren ikasketekin...
