Zer ikasiko dut? Zer egingo dut?

• Salgaien eta/edo bidaiarien garraioko eta logistikako enpresa bateko sailak antolatzea, enpresaren zuzendaritzak ezarritako helburuak betetzeko beharrezko giza baliabideak eta baliabide materialak zehaztuta.
• Garraio-planak, produkzio-planak, biltegiko eragiketa- eta fluxu-planak eta eguneko trafikoak prestatzea eta kudeatzea.
• Distantzia luzeko ibilbideak planifikatzea eta banaketa-ibilbideak finkatzea, garraio-moduen konfiguraziorik onena hautatuta.
• Hainbat herrialderen eta garraio-moduren arteko salgaien eta/edo bidaiarien nazioarteko iragaitza eta garraioa bermatuko duten administrazio-kudeaketak egitea.
• Garraio-zerbitzuak eta zerbitzu logistikoak sustatzea eta hedatzea, marketin-teknikak eta -estrategiak aplikatuta.
• Garraio eta logistikako zerbitzuen salmenta-prozesua egitea eta salmentaren ondoriozko dokumentazioa lantzea.
• Bezeroekiko harremanak kudeatzea -hala badagokio inglesez- eta eragiketen jarraipena egitea, haien eskariak, gertakariak eta erreklamazioak behar bezala eta egindako zerbitzuaren maila ziurtatuta betetzeko.
• Eskura dauden baliabideen eta espazioen aprobetxamendu egokia eta salgaien integritatea bermatuko duten baldintzetan antolatzea salgaiak biltegian.
• Produkzio- eta banaketa-planetan materialen eta salgaien hornikuntza egitea eta kontrolatzea, kantitatea, kalitatea, lekua eta epeak ziurtatuta.
• Salgaien inportazio- eta esportazio-eragiketen eta sarreren eta bidalketen administrazio-kudeaketa egitea.

Irakaskuntza hauek laneko arriskuen prebentzioko oinarrizko jarduerak gauzatzeko beharrezko ezagupenak hartzen dituzte barnean.

Zikloa amaitzean, zer titulu lortuko ditut?

• Garraioko eta logistikako goi-mailako teknikaria.
• Salgaiak garraiatzeko lanbide-gaitasuna.
• Bidaiariak garraiatzeko lanbide-gaitasuna.
• Era berean, tituludunak salbuetsita egongo lirateke Aduana Ordezkaria Prestatzeko lehenengo probatik.

Zein postu aukeratuko ditut?

Bidaiariak errepidez garraiatzeko enpresetako trafiko-buruzagitza – Garraioko enpresako gerentzia – Bidaiarien errepideko garraioko ikuskaritza – Autobus-geltokietako buruzagitza – Errepideko garraioko zerbitzuen kudeaketa – Errepideko garraioko enpresen kudeaketa komertziala – Zirkulazio-buruzagitza – Garraio-agentea, zama-agentea – Atez ateko garraioko operadorea – Transitarioa – Itsasontzien kontsignazioa – Logistikako operadore teknikoa – Logistikako biltegi teknikoa, etab.

Eta ikasten jarraitu nahi badut?

• Nazioarteko Merkataritzako Goi Mailako Teknikaria 2. mailatik aurrera, 1. maila Garraio eta Logistikakoarekin batera egiten baita.
• Goi-mailako Lanbide Heziketako beste ziklo bat, indarrean dagoen araudiaren arabera lanbide-moduluen baliozkotzeak ezartzeko aukerarekin.
• Unibertsitateko irakaskuntzak, indarrean dagoen araudiaren arabera baliozkotzeak ezartzeko aukerarekin.
• Lanbide-espezializazioko ikastaroak.