Erasmus+
Erasmus+ proiektua Europar Batasuneko Erasmus+ programak finantzatzen du. Web orriaren edukia CIFP REPELEGA LHII erakundearen erantzukizun esklusiboa da, eta Europako Batzordea eta Hezkuntza Nazioartekotzeko Espainiako Zerbitzua (SEPIE) ez dira hemen zabaldutako informazioa erabiltzearen erantzule.
Hezkuntza-premia bereziak dituzten pertsonak
Erasmus+ programaren helburua ekitatea eta inklusioa sustatzea da, ingurune behartsuetatik datozen eta lankideek baino aukera gutxiago dituzten parte-hartzaileei sarbidea erraztuz, egoera txarrak nazioz gaindiko jardueretan parte hartzea mugatzen edo eragozten dienean, honako arrazoi hauengatik:
- Desgaitasuna (hau da, premia bereziak dituzten parte-hartzaileak): desgaitasun mentalak (intelektualak, kognitiboak, ikaskuntzakoak), fisikoak, sentsorialak edo bestelakoak dituzten pertsonak.
- Oztopo ekonomikoak: maila ekonomiko baxua duten pertsonak, diru-sarrera txikiak dituztenak edo gizarte-laguntzaren mende daudenak, pobrezia-egoeran edo iraupen luzeko langabezian dauden gazteak, etxerik gabeko pertsonak, zorrak dituztenak edo finantza-arazoei aurre egin behar dietenak.
- Kultura-desberdintasunak: etorkinak, errefuxiatuak eta haien ondorengoak, gutxiengo etniko edo nazionaletako pertsonak, hizkuntza-egokitzapenerako eta kultura-inklusiorako zailtasunak dituzten pertsonak.
- Osasun-arazoak: osasun-arazo kronikoak, gaixotasun larriak edo gaixotasun psikiatrikoak dituzten pertsonak.
- Gizarte-oztopoak: generoagatik, adinagatik, talde etniko jakin bateko kide izateagatik, erlijioagatik, sexu-orientazioagatik, desgaitasunagatik eta abarrengatik diskriminazioa jasaten duten pertsonak, gaitasun sozial mugatuak dituzten pertsonak edo jokabide antisozialak edo arriskutsuak dituztenak.